Patay ang 90 ka mga tawo human sa pagbuto sa minahan sa karbon sa amihanang China.
Diin nahitabo ang pagbuto sa gas sa Liushenyu Coal Mine, nga gidumala sa Tongzhou Group sa Lalawigan sa Shanxi.
Gatusan ka mga rescuer ang gipadala sa lugar aron mangita sa mga biktima sa pagbuto.
Ang mga paramedics ug ambulansya anaa usab sa lugar, diin kapin sa 100 ka mga tawo ang gikataho nga gidala sa mga ospital.
Basi sa report, anaa sa 247 ka mga minero ang gikataho nga anaa sa lugar sa dihang nahitabo ang pagbuto.
Pagkahuman sa insidente, nanawagan ang Presidente sa China nga si Xi Jinping nga dili usikan ang oras sa pagtambal sa mga nasamdan ug pagpangita sa mga nakaluwas.
Gihangyo usab sa Presidente sa China ang gobyerno nga imbestigahan ang hinungdan sa aksidente ug patubagon ang mga responsable.
Sumala sa media sa estado, ang mga opisyal nga nagpadagan sa minahan sa karbon gidakop. Ang hinungdan sa pagbuto wala pa gipagawas, apan ang mga report sa media nagpakita nga ang lebel sa carbon monoxide, usa ka makahilo nga walay baho nga gas, nga nakit-an sa minahan milapas sa mga limitasyon.
Ang Shanxi usa sa pinakakabus nga probinsya sa China, nailhan nga kapital sa pagmina sa karbon sa nasud.
Ang pinakabag-o nga trahedya sa wala pa ang insidente karong tuiga mao ang pagkahugno sa usa ka open-pit nga minahan sa karbon sa amihanang Inner Mongolia niadtong 2023, nga nakapatay og 53 ka tawo.
