Miapelar si Grace Nancy dela Rosa, ang asawa ni Senador Ronald dela Rosa, sa hudikatura sa Pilipinas nga dili gamiton nga himan sa pagpadala sa iyang bana ngadto sa The Hague, Netherlands.
Kini nahitabo taliwala sa paggukod sa mga awtoridad sa senador human ang International Criminal Court nag-isyu og warrant of arrest kalabot sa kontrobersyal nga war on drugs.
Sa usa ka pahayag, si Nancy dela Rosa miinsistir nga ang matag Pilipino kinahanglan nga husayon ubos sa iyang kaugalingong hudikatura ug dili sa langyaw nga korte.
Sumala niya, ang boluntaryong pagtugyan sa gobyerno sa usa ka Pilipino ngadto sa internasyonal nga korte usa ka pag-angkon nga ang hustisya sa Pilipinas huyang ug walay katakus.
Gipasiugda niya nga ang kaso sa iyang bana gipasobrahan lang tungod sa politika.
Kung adunay bisan unsa nga makat-unan gikan sa kaso ni kanhi Presidente Rodrigo Duterte, kini dili ang pagtugyan sa laing Pilipino.
Kinasingkasing usab siyang nanawagan sa hudikatura nga dili itugyan ang ilang responsibilidad sa ilang katawhan ug pakigbisogan ang atong soberanong mga katungod tungod kay ang ilang mga desisyon mahinumduman sa kasaysayan.
