Gidala sa ospital ang kanhi Kalihim sa Public Works nga si Manuel Bonoan human misaka ang iyang blood pressure nunot sa pag-isyu sa iyang warrant of arrest sa Sandiganbayan.
Gikumpirmar kini ni Kalihim Jonvic Remulla sa Department of Interior and Local Government (DILG) human sa boluntaryong pagsurender ni Senador Jinggoy Estrada.
Ang kanhi Kalihim nag-atubang usab og kasong plunder tungod sa anomaliya sa flood control.
Gikanayon usab ni Remulla nga ang PNP General Hospital gibantayan diin ang doktor ang modesisyon kung mahimo bang buhian si Bonoan aron atubangon ang iyang kaso.
Mahinumduman nga sa miaging semana, si Bonoan ug Estrada nakapiyansa sa Sandiganbayan alang sa kasong graft.
Samtang, ang Fifth Division Sandiganbayan nag-isyu og warrant of arrest niadtong Lunes.
