Gipahibalo ni Cebu Governor Pamela Baricuatro, nga mogahin og ₱5-million nga pundo ang kagamhanan sa Probinsya alang sa pagtukod og modernong speech laboratory sa Subangdaku Elementary School sa Dakbayan sa Mandaue, atol sa Brigada Eskwela Regional Kickoff niadtong Hunyo 2.
Kini nga speech lab ang himuong “pilot” o sumbanan nga sundon sa tibuok probinsya nga tumong nga mapalig-on ang English proficiency sa mga kabataan isip suporta sa turismo sa Sugbo.
Dugang pa niini, dako usab ang pasalamat sa Gobernadora sa pamilyang pribadong sektor sa gi-turnover niini nga bag-ong building diin adto ituyok ang maong pasilidad. Matud ni Baricuatro, dinhi maporma ang mga damgo ug ang mga sunod nga lider sa nasod.
Gipahinumdoman usab niya ang tanan nga ang edukasyon nanginahanglan og pagtinabangay sa tibuok komunidad—gikan sa mga ginikanan, magtutudlo, gobyerno, ug pribadong sektor.
