Wala ray natala nga posibleng hulga o kagubot nga namatakidan ang mga sakop sa Cebu City Police Office, alang sa pagbukas sa unang adlaw sa klase sa mga nagkadaiyang tunghaan sa Dakbayan sa Sugbo karong adlawa, Lunes Hunyo 8.
Matud ni Police Lieutenant Colonel Miguel Andeza, nga wala ra silay Nakita nga posibleng kakulian sa pagbukas sa klase karong adlawa, og smooth ra ang monitoring nila sa tanan nga mga tunghaan sa Dakbayan sa Sugbo.
Sigon niini aron nga dili maatlan sa kahout sa Dagan sa trapiko ang mga tinun-an hilabi na ang mga ginikanan nga maghatud pa sa mga ilang mga anak sa eskwelahan, kinahanglang mo sayu og gikan aron dili mabalda sa biyahe.
Dugang ni Andeza, panahon sa pagpauli og pagkuha sa mga anak, kinahanglan ang paghatag og pahimangno sa mga security guard sa mga tunghaan nga dapat ang mga ginikanan o guardian ang mo sugat sa mga bata, aron paglikay sa kakulian.
Mensahi usab niini sa mga tunghaan nga kinahanglan nga makig-alayon sa mga traffic personnel ug mga barangay tanod alang sa pagpalabang sa mga bata sa kadalanan aron paglikay sa aksidente sa kalsada.
