Gikumpirmar sa Department of Foreign Affairs (DAF) nga si Presidente Ferdinand Marcos Jr. ug Russian President Vladimir Putin kay gikatakdang mopahigayon og bilateral meeting.
Sa usa ka pre-departure briefing sa Malacañang, si DFA Assistant Secretary Dominic Imperial miingon nga kini kabahin sa pagsaulog sa ika-50 nga anibersaryo sa diplomatikong relasyon tali sa Pilipinas ug Russia.
Sumala ni Imperial, sa bilateral meeting, ang duha ka lider gilauman nga maghisgot og mga paagi aron mapalig-on pa ang kooperasyon tali sa duha ka nasud sa natad sa enerhiya ug seguridad sa pagkaon.
Ingon man nga magtutok usab ang miting tali ni PBBM ug Putin sa pipila ka importanteng regional ug international issues sama sa epekto sa nagpadayon nga krisis sa Middle East sa enerhiya ug seguridad sa pagkaon.
Dili gusto ni Imperial nga maghukom daan kung ang duha ka nasud makahimo ba og kasabutan sa isyu sa suplay sa lana, nuclear energy o renewable energy, apan miingon nga maghulat sila aron makita kung unsa ang resulta sa ilang mga panagsulti.
Lakip usab sa hisgutan ang kooperasyon tali sa Pilipinas ug Russia sa natad sa turismo, edukasyon, kultura, syensya ug teknolohiya, ug mga people-to-people exchange.
