Gi-anunsyo ni Federal Bureau of Investigation Director Kash Patel nga napugngan sa mga awtoridad sa United States ang giplanong mga pag-atake nga giingong target ang UFC event nga gihimo sa White House niadtong miaging semana.
Sumala sa FBI, ilang nadiskubrehan ang posibleng hulga niadtong Hunyo 10 ug dali nga gilunsad ang usa ka multi-state operation uban sa ubang ahensya sa seguridad ug sa Department of Justice, nga misangpot sa pagkasikop sa lima ka mga suspek gikan sa mga estado sa Ohio, Missouri ug California.
Wala pa gipadayag sa mga otoridad ang espesipikong detalye sa maong hulga samtang naghulat sa pormal nga pagsang-at sa mga kaso.
Ang UFC event nahitabo sa South Lawn sa White House ug kabahin sa mas lapad nga selebrasyon sa ika-250 nga anibersaryo sa pagpirma sa Declaration of Independence, diin mitambong usab si US President Donald Trump sa pagsaulog sa iyang ika-80 nga adlawng natawhan.
