𝐅𝐈𝐅𝐀 𝐖𝐎𝐑𝐋𝐃 𝐂𝐔𝐏 𝟐𝟎𝟐𝟔: Natangtang ang Haiti sa 2026 World Cup human sa 3-0 nga kapildihan sa ilang group match batok sa Brazil karong adlawa.
Duha sa mga goal sa five-time World Cup champions gikan ni Matheus Cunha, samtang ang usa naggikan sa superstar nga si Vinicius Junior. Ang duha ka score natala sa wala pa ang halftime.
Nakaabot ang Brazil sa kinatas-ang bahin sa Group C, samtang ang Haiti natagak human usab napildi sa Scotland sa score nga 1-0 niadtong Domingo.
Kini ang unang higayon sukad niadtong 1974 nga naka-qualify pag-usab ang Haiti sa World Cup.
Nianang tuiga, napakyas usab ang mga Haitian nga makalusot sa group stage.
Bisan pa niini, daghan gihapon ang nag-isip nga usa ka dako nga kalampusan alang sa nasod ang pagsulod pag-usab sa labing dakong football tournament sa kalibutan, ilabi na kay wala sila nakaduwa bisan usa ka World Cup qualifier sa ilang home stadium tungod sa sitwasyon sa ilang nasod.
