Gisuspende na sa Russian-backed authorities ang pagbaligya og gasolina ngadto sa publiko tungod sa padayon nga pag-atake sa Ukraine nga nakaapekto sa supply routes ug oil depots sa rehiyon.
Sumala ni Gobernador Sergey Aksyonov, ang fuel ihatag lamang sa mga ahensya sa gobyerno aron masiguro ang “functioning ug security” sa Crimea, human sa drone strike nga nakapatay ug upat ka tawo ug naka-angol sa 28 sa Kerch.
Ang Crimea, nga gi-annex sa Russia niadtong 2014, nakasinati na og daghang kakulangan sa suplay, apan kini mao ang labing hugot nga restriksyon sa gasolina hangtod sa kasamtangan.
Samtang gibutyag ni Ukrainian Presidente Volodymyr Zelensky, nga ang mga long-range drone strikes sa Kyiv nagpunting sa pagputol sa revenue sa Russia ug pagpugos kang Russian President Vladimir Putin nga mosulod sa negosasyon, samtang nagpadayon ang Moscow sa pagpanalipod ug pagbalos pinaagi sa pagpamomba sa gatusan ka Ukrainian drones.
