Nag-atubang og dakong pressure si British Prime Minister Keir Starmer nga mahimong mobiya sa pagka-Prime Minister sa United Kingdom sulod sa pipila ka adlaw, sumala sa mga taho sa media, human sa dakong kadaugan ni Andy Burnham sa usa ka by-election nga nakapalig-on sa panawagan sa pipila ka lider sa Labour Party alang sa pag-ilis sa liderato.
Gilauman nga mahimong ipahibalo ni Starmer ang schedule sa iyang pagbiya sa puwesto karong adlawa Lunes, adlaw usab nga manumpa isip magbabalaod si Burnham human sa iyang landslide victory sa Makerfield constituency.
Sulod sa mga miaging bulan, nag-atubang si Starmer sa nagkakunhod nga suporta sa publiko tungod sa mga kontrobersiya, mga sayop sa polisiya ug uban pang isyu nga nakaapekto sa iyang administrasyon.
Samtang nagpadayon ang mga spekulasyon, matud ni Business Secretary Peter Kyle nga naggahin na og panahon si Starmer sa paghunahuna sa kasamtangang kahimtang sa politika ug nakigpulong sa nagkalain-laing mga sektor.
Kung mopadayon ang iyang pagbiya sa puwesto ug makab-ot ni Burnham ang liderato sa Labour Party, mahimong siya ang mosunod nga Prime Minister tungod sa dakong mayorya sa partido sa parlamento.
