Gisupak ni Senate President Sherwin Gatchalian ang mga sugyot nga ipaubos ang edad sa criminal liability human sa pagpamusil sa San Jose National High School sa Tacloban City, Leyte, nga nakapatay sa tulo ka estudyante ug nakaangol sa lain kapin 15 pa.
Busa, gipadayon sa Senate President nga ‘walay angay usbon sa Juvenile Justice and Welfare Act (RA 9344), nga nagtuo nga aduna pa’y lugar alang sa pagbag-o pinaagi sa hustong giya, edukasyon, ug rehabilitasyon sa mga pasilidad sa Bahay Pag-asa.
Ang mga menor de edad nga nalambigit sa pagpamusil mahimong naimpluwensyahan sa bayolenteng mga online game ug content.
Busa gisugyot ni Gatchalian ang pagdili sa paggamit sa social media sa mga bata nga nag-edad og 16 paubos.
Samtang, nanawagan ang Amnesty International Philippines nga ang insidente dili gamiton nga rason aron ipaubos ang edad sa criminal liability, ug giinsistir nga ang ugat nga hinungdan sa problema, sama sa kakulang sa proteksyon ug suporta alang sa mga batan-on, kinahanglan nga sulbaron.
Gipasiugda usab nila nga ang mga bata nga nalambigit sa krimen kanunay usab nga mga biktima sa kakulang sa proteksyon ug suporta gikan sa katilingban.
