Gisugyot na sa gobyerno ang 7.2-trilyon nga nasudnong budget sa 2027, unom ka porsyento nga mas taas kon itandi sa P6.793 trilyon karong tuiga, bisan pa sa mas ubos nga target sa pagtubo sa ekonomiya ug gilauman nga kita sa gobyerno.
Sumala sa Department of Budget and Management (DBM), limitado ang fiscal space sa gobyerno tungod sa mga awtomatikong gasto sama sa National Tax Allotment, pagbayad sa utang, ug uban pang mandatory nga gasto.
Gikanayon usab sa DBM nga ang pag-andam sa budget naapektuhan sa giingong mga anomaliya sa mga proyekto sa flood control project, ingon man ang panagbangi tali sa Estados Unidos, Israel, ug Iran, ang hulga sa El Niño ug pagbag-o sa klima, nga nakaapekto sa ekonomiya ug sa abilidad sa gobyerno sa pagkab-ot sa mga target sa kita ug pagtubo.
Tungod niini, ang Development Budget Coordination Committee (DBCC) nagpaubos sa target sa pagtubo sa ekonomiya karong tuiga ngadto sa 3.5% ngadto sa 4.5%, gikan sa miaging 5% ngadto sa 6%, human ang ekonomiya sa nasud mitubo lamang og 2.8% sa unang quarter, ang pinakahinay sa miaging lima ka tuig.
