Planong makig-tigom ni Lapu-Lapu City Mayor Cindi Chan ngadto sa mga kadagkuan sa Naval Forces Central (NAVFORCEN) human sa mga insidente nga tulo na kapanimalay sa Barangay Canjulao ang naigo og saag nga bala ning buwan sa Hunyo.
Ang nag unang insidente natala niadtong Hunyo 3 ug Hunyo 11 nga parehas nahitabo sa Purok Caimito.
Samtang ang ikatulong higayon nahitabo sa Purok Atis niadto lang Hunyo 22.
Duda sa mga biktima nga nag gikan ang maong mga bala naggikan sa NAVFORCEN apan sa pagkutlo ning balita, wa pa sila mohatag og opisyal nga pamahayag.
Maong isip lakang sa lokal nga kagamhanan sa Dakbayan, nibutyag si Chan atol sa usa ka interview sa mga tigbalita niadtong Biyernes, Hunyo 26, nga magpada siya og suwat makigdayalogo siya kauban si City Director Police Colonel Agosto Daskeo sa Lapu-Lapu City Police Office.
Samtang gusto usab ni Chan nga sa dali nga panahon mahisgutan na ang maong kasoGumikan kay dili gusto sa Mayor nga adunay mabiktima o ingun man maangol sa maong mga saag nga bala sa mismong dapit.
