Gi-postpone ang arraignment o pagbasa sa akusasyon batok kang Senador Jinggoy Estrada ug kanhi Department of Public Works and Highways (DPWH) Secretary Manuel Bonoan sa kasong graft ug plunder sa Sandiganbayan Fifth Division.
Gikatakda unta ang arraignment karung adlawa Martes, Hunyo 30, apan gibalhin kini sa Hulyo 28.
Nagsunod kini sa mosyon sa mga state prosecutor sa anti-graft court aron usbon ang impormasyon sa kaso ug matangtang si Bonoan isip akusado.
Mahinumduman nga gikumpirma ni Ombudsman Jesus Crispin Remulla niadtong Lunes nga miuyon si Bonoan nga mahimong state witness.
Sumala sa Ombudsman, importante ang kahibalo sa kanhi kalihim aron makatabang sa pagpalig-on sa mga kaso may kalabotan sa flood control Scandal.
Ang arraignment mao ang pormal nga pagbasa sa mga kaso batok sa akusado, diin gikinahanglan silang motambong sa korte aron mosulod sa ilang plea nga guilty o not guilty.
