Viral online ang reklamo sa usa ka customer batok sa usa ka restaurant sa Baguio City human giingong nakit-an niini ang patay nga ilaga sulod sa iyang gi-order nga sinigang nga hipon.
Sumala sa customer, nakainom na siya og sabaw sa sinigang sa wala pa niya namatikdan ang nasagol nga usa diay ka ilaga.
Iyang gipunting usab ang giingong kakulang sa aksyon sa mga staff sa kan-anan human sa insidente. Mitubag ang pamunuan sa restaurant pinaagi sa pagpangayo og pasaylo sa nahitabo.
Gipahayag usab nila nga ilang tabangan ang customer ug ilang tubagon ang gasto kung magpa-check up kini. Matud usab temporaryong gisirad-an ang naasoy nga restaurant human sa insidente.
Kinahanglan pa kini makakuha og sertipikasyon nga nasunod ang kalimpyo ug safety standards sa dili pa tugotan nga makabalik sa operasyon.
