Gisaksihan nila ni Presidente Ferdinand R. Marcos Jr. ug Canadian Prime Minister Mark Carney ang pagpirma sa pipila ka importanteng mga kasabutan nga mopalapad ug mopalalom sa kooperasyon tali sa Pilipinas ug Canada.
Lakip sa mga dokumento nga gipirmahan mao ang Memorandum of Understanding (MOU) tali sa Department of Tourism (DOT) sa Pilipinas ug sa Department of Industry sa Canada alang sa kooperasyon sa turismo, ingon man ang MOU tali sa National Commission for Culture and the Arts (NCCA) ug sa Department of Canadian Heritage for Cultural Cooperation.
Gipirmahan usab ang Joint Declaration of Intent Concerning Energy and Natural Resources Cooperation tali sa Pilipinas ug Canada, ug ang Joint Declaration of Intent tali sa Department of Migrant Workers (DMW) ug sa Department of Citizenship and Immigration sa Canada.
Gipalig-on usab ni Marcos Jr. ug Carney ang ilang pasalig nga tapuson ang mga negosasyon alang sa usa ka Philippine-Canada Free Trade Agreement (FTA) sa dili pa matapos ang tuig.
