Mihinay ngadto sa 6.4% ang inflation rate o ang pagsaka sa presyo sa mga palaliton ug serbisyo sa nasud niadtong Hunyo 2026.
Sa press briefing niadtong Martes, Hulyo 7, mipahibalo ang Philippine Statistics Authority (PSA) nga ang inflation rate sa Hunyo mas ubos kumpara sa 6.8% nga natala niadtong Mayo 2026.
Matod ni PSA chief Undersecretary Claire Dennis Mapa, ang pagkunhod sa inflation tungod sa pag-ubos sa presyo sa transportasyon, nga naapektuhan sa sunod-sunod nga rollback sa presyo sa petrolyo ug paghinay sa tensyon sa Middle East.
Nakatampo usab sa pagpaubos sa inflation ang mas hinay nga pagsaka sa presyo sa pipila ka mga pagkaon.
Ang 6.4% nga inflation rate sa Hunyo nahulog sulod sa target range sa Bangko Sentral ng Pilipinas (BSP) nga 6.0% hangtod 7.0%.
Samtang, ang average inflation sa nasud gikan Enero hangtod Hunyo 2026 mikabat sa 4.8%.
