Wala nay angay kabalak-an ang mga aktibong pulis nga mag-atubang ug mga kaso samtang sila gabuhat sa ilang katungdanan tungod sa Legal and Travel Assistance Program nga gidalit sa Public Safety Mutual Benefit Fund Inc.
Kini ang gipahibalo sa mga opisyales sa PSMBF Inc. nga gipangulohan ni retired PLTGEN Benjamin Santos atol sa ilang pagbisita sa Police Regional Office 7 niadtong Biyernes, July 3, 2026
Ang Legal and Travel Assistance Program, uban sa Medical ug Burial Assistance, nagatumong kini sa paghatag og suporta sa mga active police personnel ug sa ilang mga pamilya sa tibuok nasud, ug sa mga miyembro sa ubang public safety agencies na kauban sa PSMBFI
Matud pa ni Ret. PLTGEN Benjamin Santos, ang maong mga program nagatumong sa pagtabang sa mga miyembro sa kapulisan nga naga-atubang ug kalisod tungod sa giatubang na mga legal na tulobagon
Dugang pa ni Santos, ang mga pulis na mag-atubang og mga kaso samtang aktibo sa serbisyo mapahimulos ug PHP 20,000 na financial assistance, apil na ang attorney’s fee ug uban pang mga bayranang legal lakip na ang pagtambong sa legal proceedings.
Lakip sab sa maong programa ang travel assistance na hinabang alang sa mga pulis na mosalmot ug mga court hearings sa mga lagyo na lugar
Gihimug-atan ni Santos na parte na sa obligasyon sa kapulisan ang pagsalmot sa mga legal proceedings og ilang nakita na kanunay nang problema ang kakuwang sa suportang pinansyal
Apil sab na gipasigarbo sa PSMBFI ang ilang bag-ong online portal, na nakabase sa Faster, Easier, and Accessible framework, nga maoy nagsilbe nilang giya alang sa paghatud ug serbisyo alang sa ilang mga miyembro
Gidasig karon ni Santos ang tanang miyembro sa Philippine National Police na moapil sa Public Safety Mutual BenefitFund Inc. aron makagamit sa mga serbisyo sa maong buhatan.
