Nakasentro ang Impeachment trial ni Vice President Sara Duterte kagahapon, Hulyo 8, sa cross-examination sa depensa sa unang saksi sa prosekusyon nga si NBI Senior Agent John Mark Calilung. Diiin, gikuwestiyon sa abogado sa depensa nga si Atty. Carlo Narvasa ang digital forensics training sa saksi ug ang mga dokumento nga gigamit sa pag-authenticate sa giingong hulga sa pagpatay nga video.
Subay niini, gihinabi sa Bombo Radyo Cebu si Atty. Neri Colmenares, Human Rights Lawyer, ug iyang gikabutyag ang napunting niyang problema sa habig sa depensa.
Matod niya, dili pa major offense ang nahisgutan sa first three days nga impeachment trial sa bise presidente diin naghisgut kini sa grave threats, tungod kay matod niya, ang mayorya nga hisgutanan niini mao ang mainitong hisgutanan sa confidential funds, ug ang kadudahang pagtambok sa Statement of Assets, Liabilities, and Net Worth (SALN) niini.
Hinungdan nga duda siya nga makombinsi sa depensa ang senator-judges ug ang publiko nga walay kamatuoran ang mga pagbahad nga gihimo sa ikaduhang lider sa nasud, tungod kay sa minor offenses palang ang nahisgutan sa milabayng adlaw, giingong naglisud na kini.
Gipasabot usab ni Atty. Colmenares nga kung criminal case sa Korte, adunay panginahanglan nga susihon ang authentication sa usa ka ebidensyang gilantad, bisan paman nga sa panglantaw nga tinuod ang maong video, gikinahanglan gihapon kining ipa authenticate labi na kung criminal case.
Apan gitino niya nga ang grave threats dili man usa ka criminal case, busa ang presiding officer nag-ingun nga daw dili ingun ana nga strikto ang rules. Pero sa katapusan, dali ra alang sa prosekusyon nga i-authenticate ang video nga gibutyag sa witness.
Busa alang kaniya, dili dakong butang ang maong hisgutanan sa authentication.
