Nagkalain-laing reaksyon ang nadawat sa aktor nga si Rommel Padilla gikan sa mga netizen human niya gipaambit ang usa ka post nga nagsaway sa aktres nga si Angel Locsin human niya gisaway ang iyang igsoon nga si Senador Robin Padilla.
Mahinumduman nga si Angel nahimong aktibo pag-usab sa social media human niya gi-react ang pamahayag ni Robin nga miangkon nga usa ka “komunista” atol sa impeachment trial ni Bise Presidente Sara Duterte niadtong Martes, Hulyo 14.
Sa iyang pamahayag, gikuwestiyon ni Angel ang nahimutangan sa senador atol sa mga panahon nga giingong nakasinati siya og red-tagging, labi na kay kuno nahibal-an niya nga dili tinuod ang mga pasangil batok kaniya.
“Ang tanong ko lang, nasaan ka nung panahong nirered-tag ako kahit alam mong hindi totoo? Actually, kasama mo pa nga at kachikahan yung mga nangre-red-tag,” matod ni Angel.
Dugang sa aktres nga dili na niya mailhan ang kanhi Robin Padilla nga iyang nailhan, busa giawhag niya kini nga “gumising” ug hunahunaon pag-usab ang iyang mga baruganan.
“Tama na, Kuya. Gising na. Hindi pa huli ang lahat,” pahayag ni Angel.
Samtang, usa ka netizen ang misaway kang Angel, nga nag-ingon nga dili siya kaayo aktibo sa ubang mga isyu sama sa baha ug mga isyu sa flood control.
“Nag-ingay si Angel Locsin sa issue ni Robin pero tahimik siya sa baha, nakawan at flood control issue…” parte sa comment sa netizen.
