Giawhag ni actress Angel Locsin si Senador Robin Padilla nga “momata” pinaagi sa usa ka sulat nga iyang gipaambit sa iyang Instagram account, human sa bag-ohay lang nga pag-angkon sa senador nga siya usa ka komunista.
Gihinumdoman ni Locsin sa iyang mensahe ang mga istorya kaniadto ni Padilla bahin sa pag-apil niini sa armadong pakigbisog sa batan-on pa kini nga pangidaron.
Gipangutana usab sa aktres kon ngano nga nagpabiling hilom ang senador sa dihang gi-red-tag siya, bisan pa man og nasayod kini nga dili tinuod ang mga pasangil batok kaniya.
Gawas niini, nagpadayag usab si Locsin sa iyang kapakyas sa baruganan ni Padilla mahitungod sa nasod nga Tsina, diin matod pa niya, wala kini nagpakita sa patriotismo o paghigugma sa nasod nga iyang nailhan ug dako niyang girespeto kaniadto.
