Gipakalma sa Department of Trade and Industry (DTI) ang kahadlok sa publiko bahin sa posibleng paglihok sa presyo sa mga palaliton.
Kini nahitabo taliwala sa gipaabot nga pagsaka sa presyo sa lana sa sunod semana tungod sa bag-ong tensyon tali sa US ug Iran.
Sumala ni DTI Secretary Cristina Roque, nga sa pagkakaron walay pagsaka sa presyo sa mga batakang palaliton ug mga nag-unang palaliton.
Dugang niini nga walay mga petisyon gikan sa mga tiggama alang sa pag-adjust sa presyo.
Gipahayag sa kalihim nga lisod ang pag-espekulasyon niining panahona busa mas maayo nga maghulat sa mga kalamboan bahin niini.
Mahinumduman nga sa dihang unang miulbo ang panagbangi tali sa Iran ug Amerika, miresulta kini sa pagsaka sa presyo sa lana human sa mga pag-atake ug pagsira sa Strait of Hormuz, usa ka kritikal nga agianan alang sa mga barko nga nagdala og lana. Ang epekto niini nabati sa mga produkto nga gidala, nga misangpot sa kahadlok nga ang presyo sa mga palaliton mahimong mosaka pag-usab tungod sa bag-ong tensyon sa Middle East.
