Gikumpirmar ni Japanese Prime Minister Sanae Takaichi nga ang ihap sa mga namatay gikan sa kusog nga 6.8 magnitude nga linog nga miigo sa habagatang-kasadpan sa Japan, misaka na ngadto sa 30.
Ingon man nga padayon ang pagppangita sa mga rescuer sa mga survivor sa linog nga miigo sa Kumamoto prefecture sa isla sa Kyushu niadtong Martes, Hulyo 28.
Kadaghanan sa mga biktima mga Hapon ug usa ka lungsuranon sa Vietnam, samtang 62 pa ka mga indibidwal ang nasamdan.
Ang uban sa mga namatay mga trabahante sa Aeon shopping center sa Kashima, nga nahugno sa pipila ka bahin ug gisundan sa usa ka pagbuto usa ka oras human sa linog, nga nakadaot sa mall.
Sumala sa presidente sa shopping center, posible nga kini usa ka pagbuto sa gas, apan ang hinungdan sa pagbuto giimbestigahan pa.
Mga 9,000 ka residente ang nawad-an og pinuy-anan, human gipabakwit ug kasamtangang nagpabilin sa mga evacuation center, bisan pa ang init nga panahon sa rehiyon usa usab ka hagit alang kanila.
Kapin sa 30,000 ka mga panimalay ang nawad-an usab og kuryente niadtong Miyerkules human sa linog.
Kapin sa 100 ka aftershocks ang natala sukad nahitabo ang pangunang linog.
