Nagpasidaan ang Department of Health (DOH) sa publiko batok sa leptospirosis taliwala sa padayon nga pag-ulan sa nasud.
Sa usa ka pahayag, gipahinumdoman sa DOH ang publiko nga likayan ang paglusong sa baha aron malikayan ang pagkatap sa sakit.
Kung dili malikayan ang paglusong sa baha, giawhag ang publiko nga magsul-ob og botas ug hustong proteksyon sa lawas.
Giawhag usab ang pagkonsulta sa doktor alang sa tukmang tambag ug reseta sa tambal, lakip na ang doxycycline prophylaxis kung gikinahanglan.
Sa sayo pa, gimandoan sa Palasyo sa Malacañang ang DOH nga mohimo og mga proactive nga lakang batok sa mga sakit nga mahimong makuha tungod sa ulan ug baha.
Kung makasinati og hilanat, pagdalag sa mga mata o panit, ug uban pang sintomas nga mahimong nalambigit sa leptospirosis, kinahanglan dayon nga magpakonsulta sa doktor.
Gihimo sa Palasyo ang panawagan taliwala sa kaylap nga pagbaha sa Metro Manila ug uban pang mga rehiyon tungod sa kusog nga ulan nga dala sa habagat.
