Giinsister sa Iran nga magpabiling kontroladonila ang Strait of Hormuz bisan pa sa pahayag ni United States President Donald Trump nga mahimo niya kining ideklarar nga teritoryo sa Amerika.
Sumala ni Iranian Deputy Foreign Minister Kazem Gharibabadi, ang Iran ang tag-iya sa estratehikong agianan ug ang Tehran lamang ang adunay gahum sa pagdesisyon kung kanus-a kini ablihan o isira.
Kahinumduman nga gipaambit ni Trump sa usa ka political rally sa New York nga mahimo niyang angkonon ang Strait of Hormuz human giingong napildi sa Estados Unidos ang Iran.
Ang Strait of Hormuz usa ka importante nga ruta alang sa global nga pamatigayon sa lana, nga nagkonektar sa Persian Gulf ug sa Gulf of Oman.
Ang mga barko gipugngan sa lugar sukad kini gisirhan sa Iran pagkahuman sa pagsugod sa tensyon ug gubat sa Middle East.
