Gibarugan sa Malacañang nga walay sayop sa pagpagawas sa impormasyon bahin sa travel authority ni Vice President Sara Duterte alang sa Japan karong Agosto 19 hangtod 24, 2026.
Matod ni Palace Press Officer ug PCO Undersecretary Atty. Claire Castro, giaprobahan sa Office of the President ang travel authority niadtong Agosto 17, alas 12:41 sa udto.
Apan niadtong Agosto 18, alas 6:07 sa gabii, mihangyo ang Office of the Vice President, pinaagi sa Chief of Staff nga si Atty. Zuleika Lopez, nga kanselahon kini.
Una nang gipahayag ni VP Duterte nga nausab ang iyang travel plans ug gikuwestiyon ang pagpagawas sa iyang iskedyul tungod sa posibleng risgo sa iyang seguridad.
Apan matod ni Castro, isip usa ka public official, katungod sa publiko nga masayod kung asa gigasto ang pondo sa gobyerno, ilabi na nga mokabat sa P7 milyon ang gasto alang sa seguridad ug staff sa bise presidente atol sa iyang mga biyahe.
Giinsistir ni Castro nga “takos” ang mga Pilipino nga masayod kung asa gigasto ang pondo sa publiko.
