Mipagawas og pamahayag ang Philippine National Police (PNP) bahin sa pagka rekober sa usa ka armas gikan sa usa ka Grade 9 nga estudyante sa Pinamungajan, Cebu, niadtong Agosto 20, 2026.
Sumala sa inisyal nga imbestigasyon, ang armas nadiskobrehan sulod sa bag sa estudyante atol sa inspeksyon sa bag sa eskwelahan, hinungdan nga ang administrasyon sa eskwelahan dali nga nakig-alayon dayon sa mga sakop sa kapulisan.
Gikataho nga ang armas giingong gipanag-iya sa apohan sa menor de edad ug padayun pang gisusi sa sa PNP ang pagpanag-iya ug mga sirkumstansya nga naglibot sa paghupot niini.
Subay sa Republic Act No. 9344, o ang Juvenile Justice and Welfare Act, ang menor de edad gitugyan ngadto sa Municipal Social Welfare and Development Office alang sa angay nga interbensyon.
Gipasalamatan sa PNP ang pagbantay sa mga personahe sa eskwelahan ug ang ilang dali nga koordinasyon sa mga awtoridad, nga nakatabang sa pagsiguro nga ang butang matubag dayon.
Gipahinumdoman usab sa PNP ang mga ginikanan, tigbantay, ug mga tigbantay sa armas nga itago ang mga armas sa hustong paagi ug dili maabot sa mga bata ug mga tawo nga wala gitugutan. Giawhag usab ang mga eskwelahan ug komunidad nga makig-alayon dayon sa mga awtoridad kung adunay motumaw nga mga kabalaka sa kaluwasan.
Samtang sa pikas bahin, mibutyag si Cebu Provincial Board Member Celestino Martinez, nga uyon siya sa pagpasar og balaudnon nga i-ban ang mga menor de edad sa mga social media sites ug online games aron pagkunhod sa maong mga kaso uban sa panghinaot nga magtinabangay ang tanan sa pagpakigbatok niini.
