Gibutyag sa aktor Christopher Roxas nga siya ug ang iyang asawa nga si aktres Gladys Reyes nag-atubang og problema sa ilang 25-katuig nga kaminyoon niadtong miaging tuig, apan malampuson nilang nabuntog ang maong pagsulay.
Matod sa aktor, kung moabot man sa punto nga magbulag sila ni Gladys, dili kini tungod sa pagluib o tungod kay wala na siya nahigugma sa iyang asawa.
Gikataho nga nagkasabot ang magtiayon nga mag-istoryahanay sa iyang pagbalik gikan sa Australia, diin ilang gihisgutan ug gisulbad ang mga problema sa ilang kaminyoon.
Giangkon usab ni Christopher nga usa sa mga hinungdan sa ilang nasinati nga problema mao ang kakulang sa panahon alang sa usag usa.
Tungod niini, nagkasabot sila nga kunhuran ang ilang tagsa-tagsa ka trabaho aron mahatagan gihapon og panahon ang ilang relasyon.
Apan, matod ni Christopher, nabuntog na nila ang maong pagsulay ug okay na pag-usab ang ilang relasyon isip magtiayon.
