Mikabat og 36 minutos ang ruling ni Trial Presiding Officer Sen. Chiz Escudero bahin sa online post ni Atty. Virgil Ligutan niadtong Agosto 12, 2026, kalabot sa paggamit og mga pangutana nga makapahisalaag atol sa cross-examination.
Gihisgutan usab ni Escudero ang paggamit sa pipila ka dili angay nga mga pulong sa nagpadayon nga impeachment trial, lakip ang “scam,” “scammer,” ug uban pa.
Sumala ni Escudero, nagpabiling bukas ang Impeachment Court sa mga diskusyon, apan dili niya tugotan nga mahitabo ang gitawag nga “trial by publicity,” ilabina ang paggamit sa online platforms aron hisgutan ang merito ug uban pang isyu nga may kalabotan sa kaso.
Naghatag usab ang presiding judge og hugot nga pasidaan kang Ligutan, sa prosecution ug defense counsel, ingon man sa mga umaabot nga senator-judge samtang nagpadayon ang impeachment proceedings.
CUE IN:TRIAL PRESIDING OFFICER SEN. CHIZ ESCUDERO
Gipahimangnoan niya ang mga partido nga likayan ang pag-post og mga komentaryo bahin sa kaso sa bisan unsang social media platform.
Giinsistir ni Escudero nga ang paggamit sa social media aron ipadayon ang mga isyu o manipulahon ang panan-aw sa publiko gawas sa Impeachment Court mahimong makadaot sa integridad ug kawalay-pagpihig sa impeachment proceedings.
