Patay ang 14 ka mga bag-ong natawo nga mga bata human sa dakong sunog nga miulbo sa Pakistan Institute of Medical Sciences (PIMS) sa Islamabad, Pakistan.
Matud sa mga awtoridad nga ang sunog nagsugod sa usa ka air-conditioning unit ug paspas nga mikaylap tungod sa suplay sa oxygen.
Diin adunay 15 ka bag-ong natawo nga mga bata sa ward sa dihang miulbo ang sunog, ug usa ra ang naluwas.
Ipaubos ang mga patayng lawas sa DNA testing aron matabangan ang mga ginikanan nga mailhan ang ilang anak.
Ang ospital gilangkoban sa 24 ka medical ug surgical specialist units nga naghatag og lain-laing serbisyo.
Kini adunay kapasidad nga 1,200 ka hospital beds ug 5,000 ka outpatients.
Gusto ni Pakistani President Asif Ali Zardari nga manubag ang mga responsable ug ang mga opisyal sa ospital pasakaan og kaso sa pagpabaya.
