Mokabat ngadto sa P562,500 ang gibanabanang danyos sa sunog nga mitumaw sa usa ka residential area sa Sitio All Season, Barangay Cogon Pardo, Cebu City, niadtong adlawng Sabado, Agosto 29, 2026.
Sumala sa Cebu City Fire Station, alas 3:06 sa hapon dihang nadawat ang report kabahin sa sunog ug
gibanabana nga mokabat sa 375 square meters ang floor area ang naapektuhan sa lugar, diin 10-ka edipisyo ang unang natala nga nasunog.
Nagsugod ang pag-ulbo sa kalayo sa panimalay sa usa ka residential property nga gipanag-iya ni Javier Antipuesto, apan hangtod sa pagkutlo ning balita, wala pa gihapon matino ang rason sa mismong sunog
Miabut kini sa first alarm, diin upat ka BFP fire trucks ang niresponde alang sa pagpawng niini. .
Gideklarang fire under control ang kalayo pasado alas 3:33 sa hapon, samtang hingpit kining napalong pasado alas 4:10 sa hapon, samtang ug walay natalang namatay o nasamdan sa maong insidente.
Sa pagkakaron, padayon pa ang imbestigasyon nga kabomberohan aron matino ang hinungdan sa maong sunog.
