Balik na sa face-to-face classes ang dakbayan sa Sugbo sa tanang pampubliko ug pribadong eskwelahan karong adlawa, Setyembre 10, kini ang gipahibalo ni Mayor Nestor Archival human sa pila ka adlaw tungod sa dili maayong kalidad sa hangin.
Sumala sa opisyal nga real-time monitoring gikan sa Department of Environment and Natural Resources – Environmental Management Bureau (DENR-EMB Region VII), ang kalidad sa hangin sa tibuok Metro Cebu nagpakita og padayon ug dakong kalamboan human sa taas nga lebel sa haze nga natala sayo ning bulana.
Matud sa taho nga laumang anaa sa 80-120 ang matala nga air quality index karong adlawa, samtang ang transboundary particulate matter (PM2.5) nagpadayon tungod sa rehiyonal nga mga sumbanan sa hangin, ang mga konsentrasyon miubos pag-ayo ubos sa delikado nga lebel, nga naghimo sa kalihokan sa publiko nga luwas pag-usab.
Busa, gilibkas na niini ang suspension classes apan gidili pa gihapon ang mga outdoor activities sa mga tunghaan hilabi na ang mga estudyante nga nadayagnos nga adunay asthma, allergic rhinitis, aktibong mga sakit sa respiratoryo, o mga kondisyon sa cardiovascular nga awtomatikong gi-excuse sa pisikal nga pagtambong ug mahimong mobalhin sa Alternative Learning Modalities (ALM / Distance Learning) nga walay academic penalty.
Ingon man nga padayong giawhag ang mga Sugboanon nga magsul-ob og N95 o KN95 mask atol sa mga pagbiyahe sa gawas ug pagbalhin tali sa mga building sa eskwelahan.
