Bag-ong mga pletehan alang sa mga bus ug TNVS magsugod sa pagpatuman karong Lunes

Gipahibalo sa Land Transportation Franchising and Regulatory Board (LTFRB) ang gi-aprubahan nga mga kausaban sa pletehan alang sa mga bus ug uban pang public utility vehicles (PUVs), nga magsugod sa pagpatuman karong Lunes, Setyembre 28.

Matud sa LTFRB nga ang mga ordinaryong bus sa Metro ug siyudad maningil og base fare nga P15 alang sa unang kilometro, uban ang dugang nga P2.49 sa matag mosunod nga kilometro.

Samtang, ang pletehan alang sa mga air-conditioned nga bus sa Metro ug siyudad magsugod sa P18 alang sa unang kilometro, ug P2.98 sa mga mosunod nga kilometro.

Samtang ang mga Point-to-Point bus makasinati usab og 15% nga usbaw basi sa ilang tagsa-tagsa ka rota. Alang sa mga provincial bus, ang unang kilometro mosaka og P12.