Dili silotan sa Women’s Tennis Association (WTA) si Filipina tennis star Alex Eala tungod sa iyang desisyon nga morepresentar sa Pilipinas sa ika-20th Asian Games imbes nga moapil sa WTA 1000 China Open.
Gibutyag kini ni Philippine Tennis Association (Philta) Executive Director Tonette Mendoza atol sa usa ka hearing nga gipahigayon sa Senate Committee on Sports.
Subay sa mga lagda sa WTA, gikinahanglan unta nga moapil si Eala sa maong kompetisyon; ang dili pag-apil mahimong moresulta sa multa nga $10,000 ug pagkawala sa iyang ranking points.
Apan, nagpakita og pagsabot ang organisasyon human nasayran nga tumong sa atleta nga makakuha og direktang slot alang sa 2028 Los Angeles Olympics.
Nagpatuman usab ang WTA og mga bag-ong probisyon nga naghatag og proteksyon sa mga magdudula nga buot morepresentar sa ilang tagsa-tagsa ka nasod.
Sa pagkakaron, nagpahulay una kadiyot si Eala sa dili pa siya moapil sa WTA 1000 Wuhan Open sa China, nga gikatakda karong Oktubre 12 hangtod 18.
