Baruganan gihapon sa International Criminal Court (ICC) nga ipatuman ang ilang mandato kalabot sa gikatakdang mga proseso batok kang kanhi Presidente Rodrigo Duterte, bisan pa sa lapad nga mga silot nga gipatuman sa gobyerno sa Estados Unidos.
Matod ni ICC President Tomoko Akane, magpadayon ang korte sa paggamit sa ilang hingpit nga awtoridad sa independente ug walay pagpihig nga paagi nga gigiyahan lamang sa balaod ug sa mga ebidensya alang sa kaayohan sa daghang mga biktima sa mga seryosong krimen.
Ang mga proseso batok kang Duterte gikatakda karong Nobyembre 30 sa The Hague, Netherlands, kalabot sa mga kaso sa krimen batok sa katawhan o crimes against humanity nga nalambigit sa mga pagpatay atol sa iyang kampanya batok sa ilegal nga droga.
Ingon man nga gipalig-on sa tribunal ang maong baruganan human nagpagawas ang administrasyon ni US President Donald Trump og bag-ong mga restriksyon ug silot batok sa mga operasyon sa maong internasyonal nga korte.
Inay gikatahong nagpabiling lig-on ang ICC sa ilang tumong nga makahatag og hustisya, bisan pa sa mga pagpit-os sa pinansyal ug politikal nga aspeto gikan sa pipila ka dagkong mga nasod.
