Na-diagnose nga adunay lung cancer si Pope Leo XIV human siya gipailalom sa operasyon aron tangtangon ang ubos nga bahin o lobe sa iyang tuo nga baga.
Sumala sa medical bulletin nga gipagawas sa Vatican, gikumpirma sa resulta sa mga pagsulay ang presensya sa lung adenocarcinoma, usa ka komon nga matang sa kanser sa baga.
Wala maghatag og dugang detalye ang Vatican bahin sa gipaabot nga pagkaayo sa Papa o sa iyang posibleng plano sa pagtambal.
Sumala sa pahayag sa Holy See, malampuson ang operasyon ug walay mga komplikasyon nga nahitabo.
Gibalhin si Pope Leo XIV balik sa iyang kwarto sa Gemelli Hospital sa Roma, diin gipaabot nga magpabilin siya sulod sa usa ka semana aron ma-monitor ang iyang kahimtang ug makapahulay.
Matod sa Vatican, wala pa maghisgot ang mga doktor bahin sa posibilidad sa chemotherapy o uban pang pamaagi sa pagtambal samtang nagpaabot pa sila sa resulta sa dugang mga pagsulay.
