Anaa na sa maayong kahimtang si Stephen Curry, bisan pa sa mga naunang taho nga nakaangkon siya og gamay nga injury atol sa praktis.
Kahinumdoman nga kalit nga natuyok ang bukong-bukong ni Curry atol sa usa ka lihok nga walay kontak sa ubang player sa “open practice” sa Warriors, hinungdan nga kinahanglan siyang dad-on sa locker room.
Matod pa sa head coach sa Warriors nga si Steve Kerr, maayo ang kondisyon ni Curry ug nakabalik na kini sa pagpraktis uban sa team.
Maayong balita kini alang sa Golden State Warriors gumikan gikatakdang magsugod sa 2026-2027 NBA season karong Oktubre 22 batok sa Los Angeles Lakers.
Sa miaging bulan, ang 38-anyos nga si Curry mipirma og duha ka tuig nga extension sa iyang kontrata nga nagkantidad og $116 milyon—kantidad nga mas ubos og $20 milyon itandi sa kinadak-ang tanyag nga mahatag unta sa team.
Kining umaabot nga season mao ang magtimaan sa iyang ika-18 nga tuig sa liga.
Bisan pa sa iyang edad, ang NBA superstar nagpadayon sa pagpakita og impresibong average nga 26.6 puntos, 4.7 assists, 3.6 rebounds, ug 1.1 steals matag duwa.
