Personal nga miadto sa City Prosecutor’s Office sa Davao City si Davao City 1st District Representative Paolo “Pulong” Duterte aron pormal nga mosang-at og reklamo sa kasong libel batok sa pipila ka mga peryodista ug media executives karong Biyernes, Oktubre 23, 2026.
Sumala sa complaint-affidavit, lakip sa mga gipasakaan sa reklamo si National Bureau of Investigation (NBI) Director Melvin Matibag, Rodulfo Gracioso Jr., Felipe L. Gozon, Gilberto R. Duavit Jr., Mel Tiangco, Vicky Morales, Emil Sumangil, Darlene Cay, Marvin Parado, ug Joel San Luis.
Apil usab sa reklamo ang pipila ka mga indibidwal nga wala pa mailhi ang mga ngalan, nga giila sa dokumento isip “John and Jane Does.”
Nagsugod ang kontrobersiya sa alegasyon ni Gracioso nga naghatod siya og mga maleta nga gituohang adunay sulod nga kwarta ngadto sa pamilyang Duterte.
Gilimod sa kampo sa pamilyang Duterte ang maong alegasyon.
