Mobalik na ang Miss Universe Philippines 2023 nga si Michelle Dee sa kalibotan sa mga beauty pageant, tungod kay gikatakda siyang moapil sa Miss Grand International All Stars karong umaabot nga Disyembre.
Malipayong gipahayag sa beauty queen ang iyang pasalamat ngadto sa iyang mga fans tungod sa ilang suporta, bisan pa man og wala niya nadala ang korona niadtong 2023.
“Back in 2023, I’m so grateful because even though I did not take home the crown, you accepted me like a winner,” matod ni Dee.
Dugang pa niya nga aduna pa siyay daghang ikapakita sa pageant scene.
“And it’s time to give back and show them that we are better, brighter, and stronger on the MGI All Stars stage,” pahayag sa beauty queen.
Girepresentar ni Dee ang Pilipinas sa Miss Universe niadtong 2023; bisan og wala niya makuha ang korona, nakasulod siya sa Top 10 ug nakadawat og pipila ka mga espesyal nga pasidungog.
Samtang, dili lang si Dee ang moapil sa maong All Stars event.
Mouban kaniya ang Miss Universe Philippines 2019 nga si Gazini Ganados, uban sa ubang mga beauty queen nga sila si Fuschia Anne Ravena, Alexia Nuñez, Imelda Schweighart, ug Keylyn Trajano, isip ang lima ka mga representante gikan sa Pilipinas sa maong pageant.
