Wala malipay si Cebu City Councilor Jun Alcover, sa resulta sa gipagawas nga desisyon sa Office of the Ombudsman, maylabot sa pagsang-at niiini ug administrative complaint kalabot sa kapakyas ni Cebu City Mayor Archival sa paghan-ay sa tanang legal nag rekisitos sa pagpadagan sa Colon Street Night Market niadtong 2025.
Matud ni Alcover, wala siya malipay sa resulta gumikan kay ang iyang gipasaka nga reklamo nga “Grave Misconduct ug Gross Negligence lakip na ang kalapasan sa Republic Act No. 6713, o ang Code of Conduct and Ethical Standards for Public Officials and Employees” gibasura sa buhatan, inay nahimo kining “Simple Neglect of Duty” nga matud pa mas gaan nga tulubagon batok kang Archival.
Apan taliwala sa iyang ka-dismaya, gikalipay hinoun niini gumikan kay matud pa bisan og mas gamay nga tulubagon ang gipahamtang batok sa Mayor, nagpamatoud lang kini nga tinoud nga aduna gayu’y kalapasan nga nabuhat ang opisina ni Archival.
Sa ingun ni-ana nga paagi, iyang mahulagway nga gipaminaw gayud siya sa buhatan sa Ombudsman ug nasayud gayud ang katawhan sa kasaypanan niini.
Kahinumdoman nga mipasaka si Alcover sa mismong reklamo gumikan kay giingung wala kini mo agi sa saktong proseso ang pagpadagan sa Colon Night Market, gumikan kay wala kini mo agi sa GASA Board, usa ka espesyal nga buhatan ubos sa ordinansa nga mosusi ug mo regulate sa pamatigayon sa siyudad.
Gimandoan sa Ombudsman si Cebu City Mayor Nestor Archival Jr. nga mobayad og multa nga katumbas sa usa ka bulan nga suweldo, tungod sa administratibong tulubagon may kalabotan sa mga iregularidad sa 2025 Colon Street Night Market.
