Giakusahan ni Israeli Prime Minister Benjamin Netanyahu ang Arab party nga giingong mipahimulos sa pagpanglimbong sa eleksyon niadtong Martes, bisan pa og wala siyay gipakitang ebidensya nga mosuporta sa maong pasangil.
Gihimakak sa mga lider sa mga Arab party ang maong mga akusasyon ug giakusahan ang Prime Minister nga nagdasig sa pagdumot ug pagpukaw sa dili maayong pagbati batok sa katawhan sa Arabo.
Matod sa Central Election Committee, giimbestigahan na ang maong mga pasangil, apan walay nakitang timailhan sa sistematikong pagpanghilabot o pagdaot sa integridad sa eleksyon.
Sa hapit 93 porsyento sa mga boto nga naihap na, nanguna ang kampo ni Netanyahu nga adunay 53 ka lingkuranan, gisundan sa kampo sa iyang pangunang kaatbang nga si Gadi Eisenkot nga adunay 48.
Apan, walay bisan usa kanila ang nakab-ot sa 61 ka lingkuranan nga gikinahanglan aron makakuha og majority sa parlamento.
Tungod niini, mahimong mahinungdanon ang gilaumang 19 ka lingkuranan sa mga Arab party sa pagporma og gobyerno.
Apan, gipadayag ni Eisenkot nga wala niya gikonsiderar ang pagporma og gobyerno nga mosalig sa suporta sa maong mga partido.
