Subling suwayan ni Filipina tennis star Alexandra Eala ang pagkuha sa iyang unang kadaugan batok sa Czech player nga si Tereza Valentova sa ikatulo nilang pag-atbang. Diin ang ilang duwa gikatakda karong adlawa, Nobyembre 5, sa alas 6:30 sa gabii.
Si Valentova ang migawas nga mananaog sa duha nila ka nangaging mga engkwentro, ug nag-atubang sila sa unang higayon sa 2025 Japan Open, diin gipildi sa Czech player ang Filipina sa “straight sets,” 6-1, 6-2. Ingon man nga nagkita usab sila pag-usab sa Qatar Open sa Doha niadtong Pebrero 2026, diin midaog na usab si Valentova, 7-6(6), 6-1.
Bisan pa niana, mosulod si Eala niining ikatulo nga duwa dala ang positibong momentum, human niya gipildi ang Australian player nga si Emerson Jones, 6-4, 6-3, sa unang hugna sa Hong Kong Open.
Sa laing bahin, gikan sa usa ka kadaugan si Valentova batok sa Japanese player nga si Himeno Sakatsume, 6-3, 7-5, nga naghatag kaniya og luna sa Round of 16.
Si Eala usab ang kasamtangang adunay mas taas nga ranggo sa Women’s Tennis Association (WTA) sa ika-17 nga pwesto, itandi kang Valentova nga anaa sa ika-85 nga pwesto.
