Puros apeke ang mga gipresentar nga witnesses sa Defense Panel sa padayung pagdungog sa Impeachment Trial batok ni Vice President Sara Duterte.
Mao kini ang gibutyag ni Atty. Rameses Villagonzalo, usa ka legal expert og ICC accredited lawyer, nga nahimong apeke ang pagpresentar sa mga unang witnesses sa Defense Panel, sa unang pagbalik sa Impeachment Trial, maylabut sa reklamo nga Unexplained Wealth sa Bise Presidente.
Sigon niini, nga wala makapiog, ang mga pamahayag sa mga witnesses sa respondent hilabi na sa pagsalikway sa mga pasangil sa prosecution panel, kini gumikan kay wala magkadimao ang mga impormasyon nga gipagawas niini.
Dugang ni Atty. Villagonzalo, nga sa una palang nga hugna niini, mamahimo kini nga ikonsiderar nga adunay falsification of documents, gumikan kay wala magparehas ang mga nanggawas nga dokumento sa depensa.
Gikuwestiyon usab niini, ang giingung pagdawat ni Duterte, ug compensation o suweldo sa Davao City Government bisan nga nahimo nang Vice President si Sara Duterte, kini kabahin sa nigawas nga report sa Commission on Audit niadtong 2022 nga midawat ang opisyal ug P938,512 isip compensation.
Gihimug-atan ni Atty. Villagonzalo, nga imbes makatabang ang mga witnesses sa depensa ni VP Duterte, inay nakapasamot hinoun kini nga malubong sa kaso, gumikan sa mga pamahayag nga “evasive” ug wala magkadimao nga testimonya.
