Personal nga gisusi nila ni Department of Public Works and Highways (DPWH) Secretary Giovanni Lopez ug Department of Transportation (DOTr) Secretary Vince Dizon ang Mananga River sa dakbayan sa Talisay, lalawigan sa Sugbo.
Miabot ang duha ka opisyal sa maong lugar aron inspeksyunon ang Mananga River Flood Control Rehabilitation Project nga gitumong sa pagpasig-uli ug pagpalig-on sa flood control structure sa maong suba.
Matud ni Sec Banoy, ang kasamtangang anaa sa 10 to 14 meters ang River Bed sa sitio Isla Verde, ug plano nilang padak.anan kini didto sa 18 meters. Kini nga alang aron masiguro na kon adunay pagbaha, masiguro na wala nay maanod sa baha sa maong lugar tungod kay no build zone napud ang maong nataran.
Adunay mga huhungihong nga ang open area ubos sa tulay, pagahimoon nga park apan ilaha na kining gihatag sa desisyon sa pangagamhanan sa Talisay sa pagdesider
.
Gibutyag usab ni Dizon nga ania sila karun sa Sugbo aron sa pag turnover sa mga priority project sa administrasyon didto sa bag-ong Secretary sa maong buhatan, apil na niini ang proyekto didto sa Butuanon sa Mandaue kon hain padulong pud sila sa pag inspect.
Dugang niya nga mas maayo nga palapdon pagbalik ang mga kasapaan aron malikayan ang mga trahedya sama sa bagyong Tino.
Kahinumdoman nga usa ang Mananga River sa mga suba sa Sugbo nga mi-awas sa dihang mikuso-kuso ang Bagyong Tino niadtong Nobyembre 4, 2025.
Tungod sa kusog nga pagdagayday sa tubig ug pagkaguba sa flood control structure, daghang kabalayan ang naanod, samtang aduna usab mga residente nga namatay tungod sa grabeng pagbaha.
Pinaagi sa maong inspeksyon, gisusi ang kahimtang sa rehabilitasyon sa flood control project aron masiguro ang kaluwasan sa mga komunidad nga nagpuyo duol sa Mananga River ug malikayan ang susamang kadaot kon adunay mosunod nga kusog nga pag-ulan ug pagbaha.
