Gipalig-on sa Bureau of Jail Management and Penology ang paghatag og serbisyong medikal, dental ug mental health ngadto sa mga Persons Deprived of Liberty o PDLs pinaagi sa ilang health services program.
Kini subay sa paningkamot sa administrasyon ni Presidente Ferdinand Marcos Jr. nga mapalig-on ang serbisyo panglawas sa publiko, mapalambo ang tawhanong pagtratar sa mga PDL ug mahatag og oportunidad ang mga Pilipino nga gustong mosulod sa public service.
Matod ni JO2 Ted P. Lado, Regional Nurse sa BJMP-7, adunay Health Services Division ang ahensya nga nagdumala ug nagmonitor sa kahimtang sa panglawas dili lamang sa mga PDL kon dili apil usab sa mga personnel.
Diin matag jail facility, aduna’y health clinic nga gidumala sa jail nurse aron masiguro nga adunay motagad sa panginahanglanong medikal sa mga PDL ug persnonnel.
Gawas niini, ginahatagan usab og annual medical ug dental evaluation ang mga personnel aron sayong mailhan ug matambalan ang posibleng mga sakit ug malikayan nga mosamot pa kini.
Sa laing bahin, gipasiugda ni Lado ang Cebu City ALIMA Clinic nga nagserbisyo sa mga PDL nga adunay espesyal nga panginahanglan sa panglawas. Diin gipasigarbo usab niini nga ang maong pasilidad mao ang unang accredited facility sa Visayas ug Mindanao ubos sa PhilHealth Yaman ng Kalusugan o YAKAP program.
Pinaagi sa maong programa, makadawat ang mga benepisyaryo og medical consultation, libreng laboratory tests, ug cancer screening.
Matod ni Lado, mas mapalapad pa pinaagi sa YAKAP accreditation ang serbisyong panglawas nga ilang mahatag sa mga PDL, ilabina sa panginahanglan sa laboratory examinations.
Sa pagkakaron, nakig-tambayayong ang BJMP sa mga laboratory facilities aron makahatag og libreng laboratory services sa mga PDL.
Gitinguha usab sa ahensya nga sa umaabot,mahatag na mismo sulod sa jail facility angmga gikinahanglang laboratory services.
Dugang pa ni Lado, mas mapadali usab pinaagi sa maong programa ang paghatag og dugang medical attention sa mga PDL nga nagkinahanglan og follow-up check-up o dugang nga eksaminasyon.
Gawas sa mga benepisyo sa PhilHealth, gipadayagusab ni Lado nga nag-atubang ang BJMPog kakulang sa health personnel.
Tungod niini, giawhag niya ang mga rehistradongnurse ug uban pang health practitioners ngamoapil sa ahensya ug motabang sa paghatag ogserbisyong panglawas sulod sa mga jail facility.
Apan gipasalig niini nga sa matag jail facility,adunay nakatalagang jail nurse aron motubagsa nagkalainlaing panginahanglan medikalsa mga PDL ug personnel. via Bombo Jemmaica Mayot
