Gipaningkamotan sa mga magtutudlo sa Tabunok Central Elementary School nga bisan paman sa grabeng kainit sa panahon ug pag-usab sa oras sa tingklase didto sa sayo nga oras sa kabuntagon, nga magpadayun ang learning continuity sa ilang mga tinun.an.
Dili lamang sayo nga schedule sa klase, apan gipamub-an pud ang oras sa klase sa mga tinun-an nga naghatag ug dakong kabalaka sa mga magtutudlo sa maong tunghaan.
Apan matud pa sa School Principal sa maong tunghaan nga ila kining ipatuman tumong sa paglikay na ma expose ang ila mga tinun.an sa grabeng kainit nga dalhon sa super el niño.
Pasalig ni Veralo nga tungod adunay silay deep well sulod sa tunghaan, gilauman niya nga adunay ra silay saktong tinubdan sa tubig alang sa pang adlaw-adlaw nga paggamit sa mga tinun-an.
Gikabutyag usab ni Veralo nga ang schedule sa klase sa ilahang tunghaan, gibahin sa duha ka parte. Adunay magklase ug 6-10 sa buntag, ug 2-6 sa sayong gabie.
Dako ilang pasalig nga sa kining mga orasa, tungod pud nga well ventilated ang ilahang mga classrooms, dili na kaayo mabati sa mga tinun.an ang grabeng kainit sa El Niño.
Subay niini, gihangyo usab ni Veralo ang mga ginikanan ug hilabi nagayud ang mga tinun.an nga kon ugaling mahuman na ang oras sa ting-klase, muditso na kini pag uli sa ilang tagsa-tagsa ka pamilay ug mas maayo nga di na mugawas isip proteksyon sa ilang kaugalingon.
Gidayeg usab niya nga ang mga lakang ug desisyon nga pagabuhaton sa eskwelahan, alang rapud sa mga tinun-an aron sa paglikay kanila sa dimaayong panghitabo











