CEBU CITY-Gihangyu ni Acting Cebu City Mayor Raymond Garcia ang Department of Transportation (DOTr) nga ablihan ang mga lane sa nagpadayon nga Cebu Bus Rapid Transit (CBRT) project nga na-semento ug naayo na aron mamenosan ang kahuot sa trapiko atol sa holidays.
Si Garcia nagtinguha nga makigtagbo sa mga tigpasiugda sa CBRT ug sa DOTr aron mailhan ang mga agianan nga magamit na sa publiko.
Ang project manager sa CBRT nagkanayun nga 80 porsiyento na nga nahuman ang mga dedicated lanes ug gitakdang mahuman sa Enero 15, 2024.
Matud ni Garcia, nga ang pag-apelar sa Siyudad sa pag-abli sa mga lanes agi usab sa pagpangandam sa Fiesta Senior sa Enero 2024.
Kini human nga ang Basilica Minore del Sto. Niño de Cebu nipagawas sa mga rota alang sa Walk with Jesus, Walk with Mary, ug Solemn Procession nga naglikay sa Osmeña Boulevard tungod sa nagpadayon nga CBRT civil works.
Niadtong Huwebes, Disyembre 14, nakigtagbo ang mga stakeholder sa CBRT kang Gobernador Gwendolyn Garcia ug sa acting mayor aron paghimo og joint executive order nga magtukod og task force nga dedikado sa pagtabang sa pagdumala sa trapiko subay sa CBRT construction.
Ubos sa hiniusang kamandoan, usa ka plano sa pagdumala sa trapiko kinahanglan nga maporma ug ipatuman aron masiguro nga ang publiko nga nagbiyahe dili maapektuhan.
Ang mga sibil nga trabaho sa drainage system kinahanglan nga himuon usab sa mga sidewalk aron malikayan ang pagsira sa mga dalan, labi na sa highway.
Adunay task force nga gilangkoban sa mga representante gikan sa provincial ug city government, apil na ang CBRT project management nga nagsilbi nga overseer sa nagkalain-laing mga concern sa nagpadayon nga proyekto.
