CEBU CITY-Gikumpirmar ni Cebu City Acting Mayor Raymond Alvin Garcia nga karong umaabot Septiyembre 7 na ang schedule sa ikatulong hugna sa pag apod-apod sa financial assistance sa mga registered Senior Citizens sa dakbayan sa Sugbo.
Kini atol sa press conference sa Acting Mayor sa Cebu City Hall, kagahapong adlawa sa Lunes, Agosto 19, 2024.
Mukabat sa kapin 91,000 ka mga rehistradong senior citizens sa dakbayan ang makapanghimolos sa maong programa.
Apan subay sa buhatan sa Office of the Senior Citizens Affairs (OSCA) sa kagamhanang dakbayan sa Sugbo nga wala pa malakip sa listahan nila ang mga nga narehistro niadtong tuig 2014 hangtud sa kasamtangang tuig.
Ingon man nga ang kasamtangang budget kay kadto pang narehistro sa tuig 2013.
Ang naasoy nga distribution sa financial assistance maglangkob sulod sa 10 ka adlaw nga ang pasiunang duha ka adlaw sa mga nagkadaiyang barangay sa dakbayan og pagkatiwason na sa buhatan sa OSCA sa Cebu City Hall.
