Mi-surrender sa buhatan sa National Bureau of Investigation – Cebu si Albuera, Leyte Municipal Mayor Ronal “Kerwin” Espinosa ug laing kaubanan niadtong adlawng Huwebes, Pebrero 5, 2026.
Kini human nalutsan og Arrest Warrant sa Regional Trial Court Branch 14 diri sa dakbayan sa Sugbo sa kasong pagpatay (murder) sa Baybay City pipila ka tuig ang milabay.
Ang warrant of arrest nga giluwat sa korte kay nagrekomendar sa “No Bail” o walay piyansa batok sa ilang giatubang nga kaso.
Sumala pa sa pakighinabi sa Bombo Radyo Cebu News Team kang NBI-7 Special Agent Gregorio Algoso Jr., kinsa maoy Escorting Officer nga gi-assign sa pag-surrender ni Espinosa ug mga kaubanan kay anaa na karon sa pasilidad sa Cebu City Jail ang mga surrenderer human nakumpleto ang proseso sa pag-berify ug medical examinate niini.
Gidugang pa ni Algoso nga dili pagbuot sa NBI-7 ang pagpahimutang sa kaso nila Espinosa ug mga kaubanan diri sa Sugbo bisan paman ang krimen nabuhat dito sa Leyte kay matod pa mando kini gikan sa Korte Suprema sa technicalities nga gisunod niini sa paghikay og kaso nga ibalhin og venue kung may kalabutan sa opisyal sa gobyerno.
Gani sa iyang bahin, si Espinosa sa wala pa mi-surrender kay nakuha pang mag-video og mi-post niini online kabahin sa pag-awhag sa iyang mga tigpaluyo nga i-ampo iyang kaluwasan sa panahon nga piniriso kini.
