Mialma sa Cebu City Councilor Jun Alcover, sa wala paghatag sa fuel subsidy alang sa mga habal-habal driver sa Dakbayan sa Sugbo, gumikan sa rason nga ipaubos una og profiling ang mga benepisyaryo human nisaka pag-ayo ang gidaghanon sa mga nakalista nga habal-habal drivers.
Gikuwestiyon ni Alcover, ang pagsaka sa gidaghanon sa mga habal-habal drivers nga nalista sa mismong mga hinabang nga unta alang lang kini sa mga “puro” nga habal-habal drivers ug dili kadtong mga aduna nay mga trabaho.
Sigon niini, moabut ra sa anaa sa kapin 8,000 ka mga benepisyaryo ang mamahimong makadawat, dakong pagkatingala niini nga naabut na sa 35,000 ang anaa sa mga lista nga matud pa gipanglista sa mga “barangay managers”.
Gihimug-atan ni Alcover, nga wala masunod sa gisabutan ang pagpatuman sa pagpang- apod-apud og mga hinabang alang sa mga drivers, siya midugang nga sayup ang implementasyon sa kagamhanan sa dakbayan sa Sugbo.
Dugang pa niini, nawagtang na ang gahum sa mga Barangay Kapitan nga maoy mosusi sa mismong mga listahan aron maberipikar, apan wala na kini napatuman gumikan kay aduna nay laing nanglista niini.
Samtang, una nang mikompirmar si Archival nga ang orihinal nga target sa siyudad alang sa pagpagawas sa sabsidiya mao ang kataposang semana
